معاناه ... عاده مص الاصابع عند الاطفال ... هل من حلول ؟؟

بعد السلام عليكم ....
عندنا بنت عندها دلوقتي 11سنه مفوتتش منهم يوم من غير متمص صباعها .... الموضوع في الاول كان عادي الاطفال الصغيرين بيبقي كلهم كده و هما صغيرين ... بس لما بقت في سن الحضانه بدأ الموضوع يبقي مزعج شويه .....

المهم لحد دلوقتي 11 سنه حاولنا مهاها كل الحلول الترغيب و الترعيب (نجبلها الحجات الي بتحبها حلاوة فلوس .... تابلت ) مفيش فايده ...نلبسها جاونتي و هي نايمه .... نربطلها ايديها .... و لا الهوا .... و في الاخر الضرب كل منشوفها حاطه صباعها في بقها ... نديها علقه تقعد تعيط نص ساعه . و الحال ده استمر شهريين لحد مصعبت علينا من كتر الضرب ..... المهم دلوقتي سنانها باظط و بقت محتاجه تقويم ... و صباعه بقي تخين من فوق و رفيع من النص !!! و لسه لحد الان المشكله ما زالت مستمرة :tire::dumb::dumb:

رأيی استشير حد متخصص طالما الحلول مش نافعة

11 سنة !!!
أنا عندي عمر 6 سنين ولسة فيه العادة دي وبعشم نفسي ان سنة ولا اتنين وهيسيبها بس انت كده قلقتني
الولد عندي اتمص خلاص وزاد ضعف على ضعف ووشه اتغير وبقى شكله وحش بسبب العادة المقرفة دي ودورت على حلول كتير ملقيتش غير حل واحد بس المشكلة انه محتاج متابعة مننا يوميا وشكلي كده هستمر عليه وأحاول منساش ان شاء الله وهو اني بلبسه جوانتي أو حتى شراب في ايده بشرط اني ألصقه بسلوتيب من الأعلى بطريقة لا هي جامدة علشان ميحبسش الدم ولا بالراحة علشان ميخلعوش وهو نايم وأنا شايف ان بنت حضرتك لو استمرت على الطريقة دي أسبوعين متواصلين أو أكتر شوية ان شاء الله تنساها هي وابني

ههههههههههه هضطر اخرج عن صمتي بقي. انا واحد من الناس اللي كانو ( ومازالو ) عندهم العادة الغريبة ده. واحب اريحكم ان مهمااااا عملتم مفيش سبيل للخلاص منها فراي وراي كل المحيطين بيا وكانو مصابين بيها.لانها والله اعلم شئ ارتبط بالانسان من وهو في بطن امه. بالرغم من كل محاولات والدي ووالدتي للتخلص منها بشتي الطرق لدرجة وصوله للسوعة الصباع بشئ ساخن حتي يتربط فترة وانساه ولكن هيهات. واستخدام صبار لجعله مر. واستخدام كافة انواع الشرايط اللازقة.

فنصيحتي حاولو تسالو اخصائي يمكن يبقي للموضوع حل علمي لانها.كل اجتهداتكو ده عملوها قبلكو كتير وباءت بالفشل. وكل فشل ليكو هيقابله اصرار من الطفل.

للعلم انا عندي 31 سنة وقدرت اسيطر علي نفسي وابطلها لكن للاسف وانا نايم بتحصل وبكتشفها لما اصحي والاقي علامات سناني علي صباعي.

بالتوفيق ان شاء الله.

ممكن تحط علي ايده قليل من الصبار لمده بسيطه

صبار او ملح او شطه

اقتباس:

---

المشاركة الأصلية كتبت بواسطة mr_vampire

ههههههههههه هضطر اخرج عن صمتي بقي. انا واحد من الناس اللي كانو ( ومازالو ) عندهم العادة الغريبة ده. واحب اريحكم ان مهمااااا عملتم مفيش سبيل للخلاص منها فراي وراي كل المحيطين بيا وكانو مصابين بيها.لانها والله اعلم شئ ارتبط بالانسان من وهو في بطن امه. بالرغم من كل محاولات والدي ووالدتي للتخلص منها بشتي الطرق لدرجة وصوله للسوعة الصباع بشئ ساخن حتي يتربط فترة وانساه ولكن هيهات. واستخدام صبار لجعله مر. واستخدام كافة انواع الشرايط اللازقة.

فنصيحتي حاولو تسالو اخصائي يمكن يبقي للموضوع حل علمي لانها.كل اجتهداتكو ده عملوها قبلكو كتير وباءت بالفشل. وكل فشل ليكو هيقابله اصرار من الطفل.

للعلم انا عندي 31 سنة وقدرت اسيطر علي نفسي وابطلها لكن للاسف وانا نايم بتحصل وبكتشفها لما اصحي والاقي علامات سناني علي صباعي.

بالتوفيق ان شاء الله.

---

go to a doctor

my relative is a doctor , and she has this habit until now , she is now 45 years old ( married with 2 children

ما شاء الله !
31 و 45 سنة ولسة بيحطوا صباعهم !!!!
أنا فقدت الأمل خلاص :(

موضوع الصبار دة نظريا حلو
بس بلاش الشطة دى علشان لو حط ايدة عند عنية ولا حاجه

بس متهيالى فكر فى حاجة مش مضرة وطعمها وحش حطها على ايده
صبار بقى ملح او كلونيا بتاعت زمان دى مثلا

وممكن تحاول تخليها تعوض ان فى حاجة ف بقها بمثلا لبانه - مصاصة -توفى

اقتباس:

---

المشاركة الأصلية كتبت بواسطة A_AMR_86

موضوع الصبار دة نظريا حلو
بس بلاش الشطة دى علشان لو حط ايدة عند عنية ولا حاجه

بس متهيالى فكر فى حاجة مش مضرة وطعمها وحش حطها على ايده
صبار بقى ملح او كلونيا بتاعت زمان دى مثلا

وممكن تحاول تخليها تعوض ان فى حاجة ف بقها بمثلا لبانه - مصاصة -توفى

---

it did't work with my relative

اقتباس:

---

المشاركة الأصلية كتبت بواسطة أبو آسر

ما شاء الله !
31 و 45 سنة ولسة بيحطوا صباعهم !!!!
أنا فقدت الأمل خلاص :(

---

go to a doctor
and don't wait , hoping that she will stop when she grow up

طالما موضوع مص الاصابع زاد عن 3 سنوات يبقى لازززم يتعالج ...

وكل ما اتعالج في سن صغير كان افضل والاسنان بترجع لوضعها الطبيعي تلقائيا

الحل الوحيد اللي تقدر تعمله حاليا انك هتروح لدكتور اسنان هيعمل حاجة اسمها

Nance appliance with palatal spurs

ودي صورة شبيهة

https://www.aoaaccess.com/f/hayrake.jpg/490w/


الحاجة التانية لازم توريلها صور من على النت لاطفال شكل اسنانهم باظ من العادة دي

ممكن تكتب Thumb sucking habit وهتلاقي صور كتيرة

بالتوفيق